Эрзянь морось ойме эжди
Ней ламот чарькодить: эряви весе тень ванстомс, лездамс эрьва раськентень куроксто полавтовиця эрямосонть а емавтомс эсь «чаманзо», башка тюсонзо. Кадык эрьва ломанесь соды, кодат сонзэ ундоксонзо, кить ульнесть покштянзо-бабанзо.
Тень кувалма велесэ пурназь авань ансамбля. Рузонь ды тиринь моротнень морыть велень башка артистнэяк. Те Анна Семеновна Чернова нуцьканзо марто. Кристина тонавтни омбоце классо, бабазо важоди мордовской беконсо, ансяк сынь ялатеке муить шка морамс эрьва кодамо концертсэ. Кевкстеманть лангс, кода кенерить сюлмамо тонавтнемаст, важодемаст ды эрьва чинь тевест морамонть марто, максыть вейке каршо вал: «Эряви пек вечкемс тень. Сестэ свал муят шка ды весементь топаетсак. Нама, стакачить улить, лиясто арсят, мезесь седе эрявикс ды питней. Ансяк эсь прят а манясак, тиринь моротне жо эждить седеенек. Секскак моровтомо а юты вейкеяк чи».